1007

    Përfaqësues nga Bashkimi i Dhomave të Tregtisë dhe Industrisë së Shqipërisë dhe kryetarët e 12 dhomave të tregtisë dhe industrisë të qarqeve ishin të ftuar sot në një takim nga Ministrja  Zhvillimit Ekonomik, Turizmit, Tregtisë dhe Sipërmarrjes, Znj. Milva Ekonomi në bashkëpunim me Agjencinë Shqiptare të Zhvillimit të Investimeve (AIDA).  Pjesëmarrja dhe prezantimi sa më i mirë i biznesit shqiptarë në expo apo panaire të ndryshme kombëtare dhe ndërkombëtare, ishin në fokus të këtij takimi.

    Në fillim të fjalës së saj ministrja Ekonomi u shpreh se “ky takim do shërbeje për të propozuar së bashku panairet kombëtare dhe ndërkombëtare ku duhet të marrin pjesë bizneset tona.  Është e rëndësishme që së bashku të vendosim një listë panairesh ku mund të promovojmë produktin “Made in Albania”.

    Për zgjerimin jo vetëm të biznesit, por edhe të ekonomisë shqiptare tha ministrja Ekonomi duhet që produkteve Shqiptare t’i japim zë në ato tregje ku janë shfaqur kërkesa të reja dhe në ato tregje ku produktet janë të konsoliduara dhe vetëm  mbi bazën e kësaj njohjeje duhet të organizojmë panairet e vitit të ardhshëm.

    “Prodhimet e qumështit dhe nënproduktet e tij,  janë ato produkte të cilat kanë nevojë për hapësirë, po ashtu edhe bimët medicinale, produktet e tekstili dhe lëkura, ICT-ja. Kemi tregjet e Azisë së Veriut, tregjet e lindjes së largët, të cilët kanë shprehur interes të vazhdueshëm për prodhimet shqiptare pasi ata kanë një ekonomi të hapur dhe duan shumëllojshmëri në treg. A jemi ne gati të marrim pjesë, dhe si mund ta promovojmë këtë pjesëmarrje?

    AIDA tashmë ka propozuar 11 panaire ndërkombëtare për vitin 2017. Z. Gent Beqiri, drejtor ekzekutiv i Agjencinë Shqiptare të Zhvillimit të Investimeve (AIDA) të pranishmëve u prezantoi panairet ku mund të marrin pjesë si ato në  Holandë 10-15 Janar 2017, Riva del Garda , Itali 14-17 Janar 2017, Moscone Ctr, San Francisco  22-24 Janar , 2017, Biofaq  Gjermani 15-18 shkurt , FoodexJapan  në Tokio, Japoni 7- 10 Mars 2017, EXPO Wine Bordeaux 2017, Francë 18-21 Qershor, NINGBO , Kinë Korrik  2017,The Micam 2017, Macfrut  2017,  Vakantiebeurs (Panairi i pushimeve) 2017 dhe  Fancy Food 2017 në SHBA,

    Ines Muçostepa, Kryetare e Bashkimit Kombëtar të Dhomave të Tregtisë dhe Industrisë shprehu mendim se  “ka ardhur momenti që ta shikojmë në mënyrë strategjike certifikimin e produkteve “Made in Albania”, siç e ka gjithë bota. Pra t’i shquajmë kush janë dhe të nisim nga çertifikimet. Detyra e Dhomave të Tregtisë patjetër që duhet të jetë me pjesën e strukturimit dhe me dhënien e ndonjë çertifikimi si produkt “Made in Albania”. Kjo do të na jap dinjitet në tregun jashtë. Këtu duhet me patjetër të kemi një shkëmbim të fortë informacioni mbi këto produkte”.

    Z.Nikolin Jaka, Kryetar i Dhomës së Tregtisë dhe Industrisë Tiranë, e quajti  këtë takim si i pari i kësaj fryme të re bashkëpunimi me të gjithë kryetarët e Dhomave të Tregtisë në një status tjetër dhe MZHETTS. Shoqata e Prodhuesve tha Z. Jaka duhet të identifikojë interesat që ka për të prezantuar produktet e veta.

    “Pjesa e Afrikës kërkon të gjitha produktet që kanë të bëjnë me fruta perime, bulmetra, qumështin dhe  produkte të pa eksploruara. Ndërkohë që është edhe Egjipti, Iraku, Irani dhe Libia, të cilat  kërkojnë vazhdimisht produkte  shqiptare. Në Europë nuk mund të shkojmë ne me produkte që nuk kane ende nje standard europian. Duhet  të certifikojmë eksportuesit dhe  të shohim mundësitë që mbulon AIDA dhe të shohim se ku jemi ne kompetitiv në produktet që kemi. Në ato vende ku ne jemi kompetitiv, dhomat e tregtisë sipas anëtarësisë që kanë duhet të hartojnë buxhetin për panairet” u shpreh Nikolin Jaka.

    Z. Arben Shkodra nënkryetar i Bashkimit Kombëtar të Dhomave të Tregtisë dhe Industrisë deklaroi se “duhet të hartohet një strategji e disa ministrive për eksportet njëkohësisht sinkronizim i të gjithë aktorëve”.  Z. Shkodra propozoi ngritjen e një komiteti për eksportet  dhe panairet njëkohësisht edhe pasjen e një agjencie të dedikuar eksporteve përfshi promovimin e produkteve shqiptare.

    Kryetari i Dhomës së Tregtisë Shkodër  Z. Anton Leka,  hodhi idenë e cila u mbështet edhe nga kryetarët e dhomave të qarqeve të tjera për ngritjen e 4 ose 5 qendrave për panaire në të gjithë Shqipërinë të cilat krahas reklamimit të produkteve vendase, nëpërmjet tyre do të tërheqin vëmendjen edhe për aktivitete turistike dhe të industrisë HORECA.

    Në fund të takimit ministrja Milva Ekonomi shprehu gatishmërinë e saj për të hartuar një plan veprimi mes MZHETTS dhe Bashkimit të Dhomave të Tregtisë,  duke ngritur një grup pune të përbashkët me një kalendar të rregullt takimesh dhe realizimesh të produkteve informuese dhe trajnuese.

      1072

      Kryetari i Dhomave të Tregisë dhe Industrisë së Shqipërisë, znj .Ines Muçostepa , mori pjesë në hapjen e Panairit të Produkteve Bujqësore dhe Agroindustriale “Prishtina 2016”, ku morën pjesë mbi 100 kompani nga Kosova dhe vendet e rajonit.

      Në këtë ngjare të organizuar nga Oda Ekonomike e Kosovës dhe të përkrahur nga Qeveria e Kosovës, të pranishëm ishin edhe kryetari i Kuvendit të Kosovës, z. Kadri Veseli, shefi ekzekutiv i Asociacionit Evropian të Dhomave të Tregtisë dhe Industrisë, EUROCHAMBRES, z. Arnaldo Abruzzini, përfaqësuesit e dhomave ekonomike të Malit të Zi, Maqedonisë, Serbisë dhe vendeve të tjera të rajonit.

      20160928_102329 20160928_110959

      ?
      ?

      20160928_114802

        1552

        Konferenca për shtyp datë 20/07/2016

        Kërkesë për miratimin e reformës në drejtësi

        Fjala e Kryetares së Bashkimit të Dhomave të Tregtisë dhe Industrisë znj. Ines Muçostepa:

        Në vijim të mbledhjes së parë të Forumit të Dhomave të Tregtisë dhe Shoqatave të sipërmarrjes, ku u përcaktuan propozimet e përbashkëta të sipërmarrjes lidhur me procedurat tatimore, mblidhen në këtë takim të dytë lidhur me një proces jetik për Shqipërinë, reformën në drejtësi.

        Sipërmarrja ka nevojë për këtë reformë.

        Sipërmarrja kërkon drejtësinë e munguar, kërkon të gjejë të drejtën e saj në gjykata. Në emër të saj ne jemi këtu për t’i thënë “MJAFT” një sistemi të korruptuar në Drejtësi. Reforma në drejtësi është themelore dhe pa të, asnjë reformë tjetër ekonomike e ndërmarrë apo që do të ndërmerret në të ardhmen, do të mund të sjellë qëndrueshmërinë ekonomike që sipërmarrja ka nevojë.

        Kjo reformë do t’i shërbejë zhvillimit të sektorit privat, një klime sa më të sigurt dhe sa më të qëndrueshme të biznesit në vend në mënyrë që të shtohen investimet e huaja, të shtohen investimet vendase, të shtohet dhe të forcohet siguria juridike e investitorëve dhe e të gjithë aktorëve të ekonomisë sonë në mënyrë që ekonomia të ketë rritje në rrugën pa kthim drejt integrimit europian.

        Dështimi i reformës në Drejtësi do të ishte një dështim i madh edhe për sipërmarrjen dhe vetë ekonominë shqiptare.

        Ndaj, sot, i bëjmë apel klasës politike shqiptare, që nesër, të miratojë në Parlament draftin kushtetues, të shume pritur nga të gjithë ne.

        ????????????????????????????????????

        ????????????????????????????????????

        ????????????????????????????????????

        ????????????????????????????????????

        ????????????????????????????????????

        ????????????????????????????????????

          1011

          Sot më datë 15 korrik 2016, ora 13:00, në ambjentet e Tirana Business Park u zhvillua “Konferenca e Ambasadorëve”, me prani të Ministres së Zhvillimit Ekonomik, Turizmit, Tregtisë dhe Sipërmarrjes znj. Milva Ekonomi. Në këtë konferencë u zhvillua një bashkëbisedim mes komunitetit të biznesit në vend, dhomave bilaterale të tregtisë dhe Ambasadorëve të vendit tonë jashtë Shqipërisë, me qëllim promovimin e sipërmarrjes Shqiptare. Në fokus të diskutimit ishte rritja e eksporteve të prodhimeve shqiptare si dhe potenciali që ofron Shqipëria për investitorët e huaj dhe avantazhet krahasuese me vendet e tjera të rajonit.

          ????????????????????????????????????

          ????????????????????????????????????

          ????????????????????????????????????

          ????????????????????????????????????

          DSC_0140

            1626

            Forumi i Dhomave të Tregtisë dhe Shoqatave të Sipërmarrjes

            Propozim mbi Projektligjin për Procedurat Tatimore

            Më datë 1 korrik 2016, Forumi i Dhomave të Tregtisë dhe Shoqatave të sipërmarrjes me inisiativë të Bashkimit të Dhomave të Tregtisë dhe Biznes Albania, pasi u konsultuan me të gjithë grupet e interesit, paraqesin për herë të parë në mënyrë të unifikuar propozimet për shtesat dhe ndryshimet ne projektligjin për procedurat tatimore.

            Fjala e Kryetares së Bashkimit të Dhomave të Tregtisë dhe Industrisë znj. Ines Muçostepa:

            Projektligji për procedurat tatimore renditet si një nga aktet ligjore me shumë interesë dhe impakt për sipërmarrjen shqiptare, pasi ka në thelb rregullimin ligjor të marrëdhënies Administratë Tatimore dhe Tatimpagues.

            Vitin e kaluar kjo marrëdhenie pati probleme të cilat u ndikuan mjaft edhe nga aksioni i ekzekutivit kundër informalitetit në ekonomi. Këtë vit shohim me interes dhe vlerësojmë hapjen e një dialogu konkret dhe konstruktiv midis Minstrisë së Financave dhe Sipërmarrjes për të harmonizuar me këtë projektligj disa shtesa dhe ndryshime që i konsiderojmë të rëndësishme.

            Në këtë kuadër, Bashkimi i Dhomave të Tregtisë dhe Industrisë se Shqipërisë dhe Biznes Albania, në bashkëpunim me Dhomat e Huaja të Tregtisë dhe Shoqatat më të rëndësishme të sipërmarrjes, kanë marrë një inisiative mjaft të rëndësishme për të formalizuar Forumin e Dhomave të Tregtisë dhe Shoqatave të sipërmarrjes.

            Ky Forum e nis punën me diskutimin dhe harmonizimin e propozimeve për projektiligjin e procedurave tatimore të të gjithë grupeve të interesit për t’ja përcjellë më pas ekzekutivit në një format unik e gjithëpërfshirës, gjë e cila, ndikon pozitivisht në trajtimin e tyre nga ana e qeverisë.

            Nga të gjitha takimet që kemi patur, do të duam t’i sigurojmë qeverisë që sipërmarrja është e interesuar që të ndikojë në përmirësimin e klimës së bërjes biznes në Shqipëri.

            Më pas puna e këtij Forumi do të vijojë edhe me projektligjin për paketën fiskale dhe me projektligje të tjera të rëndësishme duke patur një komunikim të vazhdueshëm më të gjithë autoritetet shtetërore për të siguruar dialogun konstruktiv dhe vijueshmërinë e marrëdhënies me qellimin e vetëm të mbështetjes dhe mbrojtjes së interesave të sipërmarrjes shqiptare.

            Shprehim bindjen që Qeveria do t’i marrë parasysh propozimet dhe sugjerimet tona lidhur me realizimin e objektivave të përbashkëta për:

            • Një treg konkurrent lokal dhe rajonal
            • Një ekonomi të qëndrueshme dhe mirë performante

             

            Fjala e Presidentit të Biznes Albania z. Luan Bregasi:

            • Rëndësia e tryezës së Forumit të Dhomave të Tregtisë dhe Shoqatave të sipërmarrjes si një risi e rëndësishme e organizimit të sipërmarrjes shqiptare;
            • Vijimi i punës së Forumit edhe për çështje të tjera të rëndësishme të sipërmarrjes shqiptare;
            • Rëndësia e dialogut me MF dhe fryma e re e komunikimit dhe bashkëpunimit të Ministrit të Financave me Sipërmarrjen për të dialoguar dhe pranuar propozimet;
            • Pikat kryesore të shtesave dhe ndryshimeve në ligjin për procedurat tatimore:
            • Vijimi i aktivitetit të Forumit edhe me projektligjin për Paketen Fiskale.

            Në mënyrë të përmbledhur, këto propozime kanë të bëjne me:

            1. Kërkojmë që të krijohet Ombutsmani i sipërmarrjes i propozuar nga komuniteti i biznesit;
            2. Kërkojmë të riformatohet Bordi i Apelimit i cili do të ketë pjesëmarrje me rreth 50 % anëtarë të propozuar nga sipërmarrja;
            3. Kërkojmë që mënyra e komunikimit të administratës tatimore të vazhdojë të jetë nëpërmjet postës duke marrë për bazë datën e dorëzimit të njoftimeve nga kjo e fundit;
            4. Kërkojmë që kalimi i shoqërive në rregjistrin pasiv në rast se ato nuk kanë më aktivitet të bëhet në mënyrë automatike por ndryshimi është se nga momenti i kalimit pasiv nuk duhet të paguajnë gjoba dhe interesa pa ju shmangur detyrimit tatimore të gjeneruara deri në marrjen e këtij statusi;
            5. Kërkojmë që të ndryshojë afatit të rikontrollit tatimor dhe njoftimi paraprak për rikontroll;
            6. Kërkojmë që pagesa e detyrimit tatimor në rast apelimi të shtyhet deri në përfundim të apelimit dhe marrjes së vendimit të formës së prerë;
            7. Kërkojme uljen e gjobave për mosdeklarim;
            8. Kërkojmë të vendosen sanksione për punonjësit e administratës tatimore të cilët marrin vendime të gabuara me ose pa dashje të cilat çojnë në krijimin e dëmit ekonomik tëk sipermarrja. Nëse kjo provohet, punonjësi/t e organeve tatimore gjobiten me dëmshpërblim deri në 30% e vlerës së dëmit të shkaktuar.
            9. Kërkojmë që në rastin e pagesës së detyrimeve tatimore me këste sipas një marrëveshje, të procedohet, si më poshtë:
              • Parapagim në masën 10 % dhe jo 30 %;
              • Mos aplikim i gjobave dhe kamatave por vetëm të një interesi sipas normës bazë të interesit sipas BSH;
              • Shtrirja e pagesave jo më pak se 1 vit dhe jo me shumë se 2 vjet;

            10. Kërkojmë të konsultohemi paraprakisht dhe përgjate procesit të miratimit për çdo ligj, vkm dhe udhezim te cilat prekin interesat e sipermarrjes (çeshtjet e ATA dhe Shoqatës së Transporteve).

            11. Kërkojmë që për faturat tatimore të leshuara nga subjektet private, qe nuk sjellin efekte financiare për DPT dhe që janë vetëm gabime teknike, që penalizohen gjoba me 10% të faturës por jo më shumë se 1.000 lekë.

            12. Kërkojmë që gjobat për biznesin e vogël të bëhet me disa faza:

            • Njoftim këshillimi;
            • Më pas përshkallëzim gjobë në proporcion me shkeljen;
            • Moslëshimi i kuponit tatimor të jetë 5000 lekë (biznesi madh 10.000 leke)
            • Kontrolli i befasishëm me distance 90 ditë përveç rasteve të shkeljeve flagrante.????????????????????????????????????????????????????????????????????????

               

              2144

              Zhvillohet në Tiranë, forumi i Biznesit Shqipëri – Maqedoni

              Në Tiranë u zhvillua edicioni i tretë i “Forumi i Biznesit dhe Investimeve në Shqipëri-Maqedoni”, që u mbajt më 16 mars 2016. Mbi 40 kompani maqedonase shkëmbyen kontakte me më shumë se 40 kompani shqiptare në këtë forum. Ai u organizua nga Zyra Ndërkombëtare Invest Macedonia – Shqipëri & Kosovë, Dhoma e Tregtisë dhe Industrisë Tiranë, Bashkimi i Dhomave të Tregtisë dhe Industrisë së Shqipërisë, Oda Ekonomike e Maqedonisë Veri-Perëndimore dhe Unioni i Odave Ekonomike të Maqedonisë, nën kujdesin e projektit Enterprise Europe Network (EEN).

              Delegacioni nga Maqedonia përbëhej nga anëtarë të Odës Ekonomike të Maqedonisë Veri-Perëndimore dhe Unionit të Odave Ekonomike të Maqedonisë, të cilat përfaqësonin fushat më me potencial, si: tregtia, infrastruktura, bujqësia, energjia, turizmi, ICT, manifaktura, agjenci imobiliare, etj

              Gjatë fjalës së saj, ministrja e Zhvillimit Ekonomik, Turizmit, Tregtisë dhe Sipërmarrjes znj. Milva Ekonomi tha se mes palëve janë shkëmbyer informacione të hollësishme mbi mundësitë e të bërit biznes dhe për investime direkte.

              “Nënshkruam një marrëveshja bashkëpunimi mes AIDA-s dhe Odës Ekonomike të Maqedonisë Veri-Perëndimore për më shumë bashkëpunim. Nga ana tjetër njohëm palën maqedonasë me lehtësitë që kemi miratuar për investimet strategjike, për regjistrimin e biznesit, si dhe për pajisjen me leje dhe licenca”, tha zonja Ekonomi. Sipas saj ditëve të Forumit bizneset patën mundësi që të shkëmbejnë informacione për zonat teknologjike dhe industriale.

              Kryetarja e Bashkimit të Dhomave të Tregtisë dhe Industrisë znj. Ines Muçostepa tha se duhen krijuar mundësi reale për të rritur bashkëpunimin mes dy vende. “Bizneset kanë përfitime nga këto aktivitete. Shqipëria është partnere e denjë. Aspiratat tona janë që të shtojmë aktivitetin në Maqedoni”, u shpreh znj. Muçostepa.

              Përfaqësuesit e Odave të Maqedonisë thanë se marrëdhëniet ekonomike mes dy vendeve janë nën potencial dhe se ata hasin vështirësi të shumta ne mjedisin e të bërit biznes, pasi tarifat doganore dhe taksat janë ndër më të lartat.

              Kreu i Dhomës së Tregtisë dhe Industrisë në Tiranë, z. Nikolin Jaka tha se Shqipëria dhe Maqedonia kanë ndarë mes tyre një miqësi të vjetër dhe kanë inkurajuar vazhdimisht bashkëpunimin institucional dhe atë midis bizneseve dhe fakti që sot gjen dhe mbështetjen Bashkimit Europian është një hap i madh dhe konkret.  “Ky aktivitet ka gjetur një mbështetje jo vetëm nga përfaqësitë e sipërmarrësve të të dy vendeve, por ajo çfarë e bën më të rëndësishme është mbështetja nga EEN, duke qenë kështu një garanci e shtuar për ne pasi kjo organizatë e Bashkimit Europian synon të lidhë sipërmarrësit e vendeve, për t’i bërë ata konkurrentë dhe bashkëpunues njëkohësisht”, u shpreh Jaka. Sipas tij përvoja e marrëdhënieve tregtare dhe e bashkëpunimit ekonomik midis Shqipërisë dhe Maqedonisë, është e gjatë dhe e qëndrueshme. Por edhe më e rëndësishme akoma është që këto shkëmbime dhe ky bashkëpunim”. Ai iu kërkoi përfaqësuesve të qeverisë shqiptare që të marrin masa për të përmirësuar infrastrukturën, kryesisht atë portuale, për ta bërë më efikase, si për vendin ashtu dhe për rajonin. Nga ana tjetër, ai theksoi se palët duhet të ndajnë mes tyre detyrat konkrete.  “Qeveria shqiptare duhet të marrë përvojat më pozitive të Maqedonisë, si ato për zonat e lira ekonomike dhe ato teknologjike dhe industriale, por edhe për sistemin fiskal tarifor që është nga më të mirët në rajon”, theksoi kryetari i Dhomës së Tregtisë dhe Industrisë, Nikolin Jaka, duke u shprehur për një ekonomi komplementare dhe konkurruese në rajon.

              DSC_0766_web DSC_0780_web fullscreen

                1556

                Në datë 3 mars 2016, në ambientet e Bankës Shqipërisë u mbajt takimi me temë: “Marrëdhëniet Biznes-Bankë: Perspektiva e kreditimit 2016”. Në këtë takim ishin të ftuar shoqatat e ndryshme të biznesit si dhe drejtuesit e sistemit bankar.

                Takimi u organizua me iniciativën dhe nën  drejtimin e Guvernatorit të Bankës së Shqipërisë, z. Gent Sejko dhe synonte intensifikimin e dialogut dhe të mirëkuptimit mes sistemit bankar nga njëra anë dhe komunitetit të biznesit nga ana tjetër, me synim final nxitjen e kreditimit të ekonomisë e për rrjedhim përshpejtimin e aktivitetit ekonomik të vendit. Pjesë e panelit të këtij takimi ishte dhe Kryetarja e Bashkimit të Dhomave të Tregtisë dhe Industrisë, znj. Ines Muçostepa.

                Fjala e Kryetares së Bashkimit të Dhomave të Tregtisë dhe Industrisë, znj. Ines Muçostepa:

                I nderuar Guvernator i Bankës së Shqipërisë, zoti Gent Sejko,

                I nderuar kryetar i Shoqatës Shqiptare të Bankave, zoti Christian Canacaris,

                Të nderuar miq,

                Më vjen mirë që jemi mbledhur në një tryezë të tillë diskutimi, duke shpresuar që do të mbërrijmë në rezultate konkrete. E them këtë, pasi marrëdhëniet sipërmarrje dhe sipërmarrje bankë në vitet e fundit kanë qenë dhe vazhdojnë të jenë në një pozicion të vështirë. Kemi ndjekur me vëmendje masat që ka marrë dhe po merr Banka e Shqipërisë në rregullimin e marrëdhënieve dhe rishikimin e kredive me probleme, kredi të cilat në të vërtetë kanë krijuar një problem të madh për sistemin bankar, por dhe për vetë kompanitë që i kanë marrë ato, pasi kjo do të thotë që mungon likuiditeti në treg. Që nga viti 2008, kur kriza e Lehman Brothers u ndie në Evropë, sipërmarrja shqiptare ndjeu ngërçin që duhej të kalonte këto vitet e fundit. Në mënyrë të pandalshme filluan të rriten kreditë me probleme dhe bankat vijuan të jenë më të ngurta në kreditimin e ekonomisë. Shumë prej kompanive nuk mundën t’ia dalin, duke çuar në falimentimin e tyre.

                Por, sot mendojmë se situata po merr një kthesë tjetër. Edhe pse kreditimi i ekonomisë, sipas vetë të dhënave të Bankës vijon të jetë i dobët, shohim një maturim dhe kujdes në marrjen e masave për të shpëtuar kompanitë që mund të shpëtohen dhe ristrukturimin e këtyre kredive. Kjo do të thotë një frymëmarrje dhe shpëtim për to, si dhe forcimin e sistemit bankar nga ana tjetër.

                Nismat e fundit ligjore të marra nga Ministria e Zhvillimit Ekonomik, Turizmit, Tregtisë dhe Sipërmarrjes dhe Banka e Shqipërisë, shihen si një mundësi e mirë për sipërmarrjen në “shkrirjen” e marrëdhënieve sipërmarrje dhe sipërmarrje bankare. Në krye të 13 masave qëndron miratimi në Kuvend i projektligjit të ri të falimentit, me anë të të cilit më pas do të nisë trajtimi i korporatave. Ligji i ri po hartohet për t’i dhënë zgjidhje pikërisht korporatave të mëdha, të cilat tashmë kanë shpallur pazotësinë për të paguar kreditë bankare, të cilat kapin vlerën e 600 milionë eurove. Sipas asaj çfarë përcillet nga biznesi, kjo është një mundësi e mirë që të rishohin mundësitë e portofolit të tyre të investimeve.

                Të nderuar pjesëmarrës,

                Bashkimi i Dhomave të Tregtisë dhe Industrisë ndeshet çdo ditë me problematikën që ka biznesi. Po kështu nga kontaktet e vazhdueshme dhe kërkesat që ofron tregu sot, duken më të matur në atë çfarë duan të investojnë. Kjo në mënyrë të pandalshme ka çuar në studimin e tregut, vlerësimin e mundësive afatgjata dhe jo thjesht në një sipërmarrje sporadike. Po kështu plani strategjik i qeverisë ka të përcaktuara dhe fushat ku tashmë mund të fokusohet ekonomia jonë.

                E bëra këtë parantezë për të thënë që tashmë ekonomia jonë ka nevojë të kreditohet në ata sektorë që do të jenë të qëndrueshëm dhe që do të sjellin të ardhura dhe punësim për ekonominë. Këtu mendojmë që duhet të fokusohet dhe mundësia e kreditimit të bankave. Bujqësia, agropërpunimi, turizmi apo teknologjia janë ato fusha në të cilat është e fokusuar të investojë sipërmarrja shqiptare. Ndaj bankat e nivelit të dytë tashmë duhet ta orientojnë portofolin e tyre të kredive në këto fusha, duke qenë fleksibël në mundësitë që ofrojnë. Më lejoni të ftoj bankat që të tregohen të matura, vizionare dhe të durueshme në fazën e shlyerjes së kredive dhe të kredidhënies. Biznesi huamarrës duhet trajtuar si partner prej bankave dhe jo si një klient i rastësishëm. Shpresojmë që drejt kësaj rruge duhet dhe po shkohet.

                Ju faleminderit!

                ????????????????????????????????????

                ????????????????????????????????????

                ????????????????????????????????????

                ????????????????????????????????????

                  1590

                  Sot më datë 3 shkurt 2016, në ambjentet e Hotel Tirana International, u zhvillua aktiviteti me temë “Nxitja e mundësive të përshtatshme për punësim dhe mbrojtjes së punëtorëve migrantë në Shqipëri”, organizuar nga Ministria e Mirëqënies Sociale dhe Rinisë si dhe nga Organizata Ndërkombëtare e Migracionit IOM. Pjesëmarrës në këtë tryrezë ishin dhe përfaqësues nga biznesi të përbërë nga Kryetarja e Bashkimit të Dhomave të Tregtisë dhe Industrisë znj. Ines Muçostepa, Kryetari i Dhomës së Tregtisë dhe Industrisë së Tiranës z. Nikolin Jaka dhe kryetari i shoqatës “BiznesAlbania”, z. Luan Bregasi.

                  Në këtë aktivitet u vu theksi mbi vlerësimin e kuadrit rregullues të Agjencive Private të Punësimit në Shqipëri kundrejt standarteve ndërkombëtare të miratuara për rekrutimin e punëtorëve migrantë.

                  image1 image2 (1)

                   

                    1411

                    Më datë 2 shkurt 2016, në ambjentet e Dhomës së Tregtisë dhe Industrisë së Tiranës u zhvillua një takim me Kryetaren e Bashkimit të Dhomave të Tregtisë dhe Industrisë së Shqipërisë, znj. Ines Muçostepa, Kryetarin e Dhomës z. Nikolin Jaka, dhe me përfaqësues të Dhomës së Tregtisë Turko-Maqedonase. Anëtarët e Dhomës Turko-Maqedonase prezantuan bizneset e tyre në sektorë të ndryshëm të ekonomisë, përfshirë këtu turizmin, ndërtimin, bujqësinë dhe zhvillimin e zonave ekonomike dhe u njohën me situatën aktuale të investimeve në Shqipëri. Kjo vizitë shërbeu në njohjen reciproke dhe kishte si qëllim vlerësimin nga afër të mundësive të investimit në vendin tonë.

                    ????????????????????????????????????

                    ????????????????????????????????????

                    DSC_0693

                    ????????????????????????????????????

                    ????????????????????????????????????

                    ????????????????????????????????????

                    ????????????????????????????????????

                      1619

                      Më datë 28 dhjetor 2016, në ambjentet e Teatrit Kombëtar, u zhvillua eventi gala “Bleta e Artë 2015” për vlerësimin e sipërmarrësve më të mirë të vitit. Ky event u zhvillua nga Ministria e Zhvillimit Ekonomik, Turizmit, Tregtisë dhe Sipërmarrjes, nën kujdesin e veçantë të Kryeministrit Sh.T. Z. Edi Rama dhe me mbështetjen e Bashkimit të Dhomave të Tregtisë dhe Industrisë së Shqipërisë dhe Biznes Albania.

                      Fjala e Kryetare së Bashkimit të Dhomave të Tregtisë dhe Industrisë së Shqipërisë, znj. Ines Muçostepa:

                      Në emër të Bashkimit të Dhomave të Tregtisë dhe Industrisë së Shqipërisë doja të falenderoja Qeverinë Shqiptare për organizimin e këtij eventi, tashmë të përvitshëm, në vlerësim të sipërmarrjes së vëndit tonë.

                      Viti që po përfundon ishte një vit i vështirë, por sipërmarrja nuk u dorëzua. Edhe sot ajo kërkon të japë kontributin e saj, ne mënyrën më të thjeshtë, duke kryer rolin e saj.

                      Ne ënderrojmë të kemi një vend të fortë dhe një ekonomi që rritet. Kërkojmë që taksat mos të ndryshojnë shpesh, që përpara se të adoptohet një masë e re e politikave industriale të vlëresohet ç’farë rezultati solli ajo e mëparshme, që të impenjohemi të përdorim fondet europiane. Për të arritur këtë, duhet që vetë ne, sipërmarrësit, të jemi përgjegjës të veprimeve tona. Kjo përgjegjësi shkon përtej ndërmarrjeve, është përgjegjësi që duhet të jetë sociale, politike.

                      Ҫdo gjë që ne bëjmë, flasim apo heshtim, ka një peshë politike. Kërkojmë vazhdimisht “që të na ulin taksat, të na lënë të punojmë, të na lënë të qetë në ndërmarrjet tona”. Do të vazhdojmë të përsërisim sa kemi thënë e kërkuar deri më sot, vetëm nuk do themi më “ na lini të qetë”. Duam që ta ndërtojmë së bashku paqen sociale, civile, atë ekonomike dhe kulturale. Politika është e të gjithëve dhe ka nevojë për kontributin e të gjithëve. Duhen ide, punë e përbashkët dhe krijimi i konsensusit, duhet projektim ndërkombëtar dhe eksperiencë sipërmarrjeje.

                      Sipërmarrësit kanë nga ana e tyre forcën e punës, të pasionit dhe të kapitalit. Kapacitetin për të vendosur objektiva dhe përcaktimin e mjeteve për ti arritur ato në një periudhë shumë vjeçare.

                      Kjo është edhe vetë forca e sipërmarrësve. Të investosh në vendin tonë do të thotë edhe të kesh përgjegjësi, do të thotë të jesh këshilltar i pavarur e të kontribosh që të shkruash një business plan. Planin industrial, planin social.

                      Nuk mund të mendojmë se do të përballojmë në mënyrë efikase vitet në vijim nëse më parë nuk kemi kuptuar gabimet e bëra dhe nëse nuk do te kemi përcaktuar strategjinë për tu rritur, për tu bërë më të fortë dhe konkurrues. Kjo strategji nuk mund të shkruhet pa sipërmarrjen. Ne jemi në dispozicion, na përfshini, shfrytëzoni, për idetë dhe jo vetëm për taksat.

                      Kemi vendosur të ftojmë politikën që të diskutojmë mbi tema të sakta me objektiva të saktë Jemi të bindur se vetëm me përballjen, me përfshirjen reciproke mbi çështjet më urgjente dhe mbi ato më strategjike,  mund të ndryshojmë vendin.

                      Politika dhe sipërmarrja kanë lidhje me njera tjetrën çdo ditë. Ndonjëherë luftohen, herë tjetër kuptohen dhe gjenerojnë rritje për territorin dhe ndonjë herë tjetër shtiren sikur evitohen. Por nuk mund të bëjne pa njera-tjetrën. Nuk mund të bëjë pa to vetë Shqipëria.

                      Ju Faleminderit!big_886223_10153395723981523_268004583377998449_o big_887248_10153395722501523_7570687126424617668_o big_920737_10153395722721523_1908032721900342413_o big_966592_10153395722016523_3535837362399900761_o big_1292940_10153395722816523_8543799027047742040_o big_1412283_10153395722566523_1750960232243100195_o big_1415303_10153395722976523_6743598564014248597_o big_1506256_10153395721326523_7243142814815841939_o big_1614202_10153395723096523_7410569250288534382_o big_1618176_10153395723741523_477322552430653830_o big_11249625_10153395721636523_6131490748005062178_o big_12401727_10153395722791523_5023195933525857983_o big_12402098_10153395722021523_998400939987415483_o big_12418833_10153395723286523_4398286994920278459_o big_12440430_10153395721286523_7735079469181700552_o big_12440691_10153395722551523_2615110795960117022_o

                       

                       

                      Projekte

                      1167
                      Union of Chambers of Commerce and Industry of Albania, Foreign Trade, Chamber of Bosnia and Herzegovina, Croatian Chambers of Economy, Economic Chamber of (former...