421

    21 organizata të biznesit iu përgjigjen sot disa qëndrimeve që ata i quajtën të rrezikshme ndaj zv/kryeministrit Erion Braçe.

    “Zyrtari i dytë më i lartë i qeverisë, vetë zëvendës kryeministri i vendit, Z. Erjon Braçe, u shfaq sërish me qëndrime publike shumë agresive ndaj biznesit. Në dukje, në mbrojtje të punëtorëve, ai i fryn fort ndezjes së një konflikti social. Këto qëndrime duatrokiten fort në Shqipëri dhe vende të tjera të varfëra, ku sundon mendimi se dikush është i varfër, ngaqë dikush tjetër është i pasur. Aq më shumë kur ato vijnë nga një zyrtar i lartë. Sepse, në Shqipëri, ende, sipërmarrësi apo kapitalisti, ashtu si në komunizëm, shikohet si “gjakpirës”, “shfrytëzues”, “i pashpirt”. Pra fiks si barbar, ashtu siç thotë edhe z.Braçe.

    Ne jemi të shtrënguar të reagojmë pas këtyre deklarimeve, për shkak se kjo tashmë nuk është një lajthitje, apo një deklaratë mitingjesh politike, por është një qëndrim i përsëritur i zotit Braçe.

    Ne jetojmë në të njëtin vend dhe jemi pjesë e të njëjtës shoqëri si dhe zoti Braçe. Por realitetin e njohim shumë më mirë se ai.

    PO, është e vërtetë se ka sipërmarrës që kanë abuzuar me punën e zeze. Kjo ka ndodhur dhe ndodh kur vetë shteti eshtë bashkëpunëtor me këtë model sipërmarrjeje.

    Është e vërtetë se ka patur e ka sipërmarrës që i keqpaguajnë dhe nuk deklarojnë punëtorët, por gjithmonë me bekimin e “padronit” bashkëpunëtor, që janë institucionet ligjzbatuese publike.

    Po ashtu, është e vërtetë se shumë sipërmarrës të ndershëm thyejnë kokën përballë konkurencës të atyre sipërmarrësve që favorizohen nga zyrtarët e korruptuar,

    Ne si përfaqësues të sipërmarrjes së ndershme, kemi mbështetur çdo nismë të qeverisë shqiptare në luftën kundër informalitetit. Jemi kundër çdo modeli sipërmarrjeje që shkel ligjin dhe cënon liritë e të drejtat e njeriut.

    Problemi është se zoti Braçe nuk flet si zëvendës kryeministër, sepse Zv/Kryeministri flet me emra, flet me fakte, flet me numra, me shifra dhe mban qëndrime, propozon ligje dhe akte nënligjore për të mbrojtur të dëmtuarit nga sipërmarrësit dhe zyrtarët e korruptuar. Z.Braçe bën akuza kolektive kundër sipërmarrësve, duke ngritur një frymë urrejtjeje dhe revolte, jo vetëm të panevojshme, por shumë të dëmshme për situatën që po përjeton Shqipëria dhe mbarë njerëzimi.

    Zoti Braçe, na drejtohet duke na thënë: Urdhëroni, bëjeni atë biznes pa punëtorë. Jo, zotëri, biznesi nuk bëhet pa punëtorë.

    Por, urdhëro edhe Ti zoti Braçe, bëje ekonominë pa sipërmarrjen private. Megjithë dëshirën e ndokujt për të rieksperimentuar në modele ekonomike, çdo shqiptar e di mirë se çfarë solli modeli 45 vjeçar i komunizmit.

    Sipërmarrja private zoti Braçe është punëdhënësi më i madh. Është edhe kontriburesi më i madh në ekonominë kombëtare dhe në arkën e shtetit. Ndërsa shteti duhet të miratojë ligje dhe të kontrollojë zbatimin e tyre, për të rregulluar marrëdhëniet e punës mes biznesit dhe punëtorit, si dhe mes biznesit dhe shtetit.

    Kaq zoti Braçe!

    Nëse kjo nuk ka funksionuar, nuk është faji i biznesit të ndershëm, por i shtetit me bashkëpunëtorët e informalitetit dhe evazorëft fiskalë.

    Sot biznesi ka nevojë për tu mbështetur që të mos rrëzohet nga kriza, dhe nuk ka nevojë për thirrje revolucionare që “proletarët” tiu vënë flakën magazinave. Sepse biznesi nuk është balena e dhjamur, që kur ngec në breg, të gjithë sulen të shkisin çtë munden për të mbushur stomakun para dimërimit.

    Kjo deklaratë është reagim i organizatave të biznesit:

    Forumi Ekonomik Mbarë-Shqiptar
    Shoqata e Operatorëve Turistikë
    Shoqata e Ndërtuesve të Shqipërisë
    Dhoma e Fasonëve të Shqipërisë
    Dhoma Italiane e Tregtisë në Shqipëri
    Shoqata e Transportuesve Ndërkombëtarë të Udhëtarëve
    Shoqata e Transportit Ndërqytetas dhe Rrethqytetas i Udhëtarëve
    Shoqata e Transporti Urban dhe Interurban Kamëz-Veri
    Shoqata Shqiptare e Turizmit
    Bashkimi i Dhomave të Tregtisë dhe Industrisë së Shqipërisë
    Dhoma e Tregtisë dhe Industrisë Durrës
    Dhoma e Tregtisë dhe Industrisë Fier
    Dhoma e Tregtisë dhe Industrisë Vlorë
    Dhoma e Tregtisë dhe Industrisë Elbasan
    Dhoma e Tregtisë dhe Industrisë Berat
    Dhoma e Tregtisë dhe Industrisë Tiranë
    Dhoma e Tregtisë dhe Industrisë Korçë
    Dhoma e Tregtisë dhe Industrisë Gjirokastër
    Dhoma e Tregtisë dhe Industrisë Lezhë
    Dhoma e Tregtisë dhe Industrisë Kukës
    Dhoma e Tregtisë dhe Industrisë Dibër

      136

      Bëhuni pjesë e Platformës Europiane ‘Care & Industry together against CORONA’

      📌EEN Albania dhe #UCCIAL në cilësinë e partnerit të EEN Albania, ju fton të bëheni pjesë e platformës më të re virtuale ‘Care & Industry together against CORONA’ duke zgjedhur një nga temat për të cilën keni nevojë për një zgjidhje si edhe të gjeni partner për diskutime dhe këshillime në kuadër të situatës COVID-19.

      🛄Platforma është një iniciativë e #FlandersCare dhe #EnterpriseEuropeNetworkFlanders (EEN Flanders) dhe synon të bashkojë aktorë të ndryshëm të Europës për të ndihmuar në këtë situatë të pandemisë.

      ✅Platforma është mbështetur nga 62 partnerë dhe aktualisht janë bashkuar 347 pjesëmarrës (shumica e tyre janë ndërmarrje të vogla dhe të mesme #NVM #SME). Kompania juaj gjithashtu mund të bashkohet me platformën për të shkëmbyer njohuri, të gjejë partnerët e duhur, të ofrojë ose të kërkojë mbështetje.

      👉Platforma online ofron mundësinë për të realizuar kontakte të synuara në kohë efektive me të gjithë aktorët në shëndetësi, industri, akademi dhe qeveri. Me anë të kësaj platforme virtuale #B2Match, palët e interesuara mund të regjistrohen dhe të paraqesin profilin e tyre.

      ✔️Rrjeti EEN është në shërbimin tuaj për t’ju mbështetur në kërkimin dhe identifikimin e partnerëve të mundshëm dhe për të nxjerrë në pah nismat më të përshtatshme dhe me ndikim në këtë situatë të pandemisë.

      ❗️Platforma do të jetë funksionale deri në 31 Dhjetor 2020 (afati mund të shtyhet).

      ℹ️Për më shumë informacion mbi mënyrën e regjistrimit në platformë mund të vizitoni linkun:⤵️

      https://care-industry-together-against-corona.b2match.io/

        117

        Bashkimi i Dhomave të Tregtisë dhe Industrisë të Shqipërisë, në cilësinë e anëtarit të ICC-Federatës Botërore të Dhomave, dëshiron t’ju ftojë të bëheni pjesë e Anketës Botërore për Biznesin e realizuar në bashkëpunim të ICC dhe OBSH!

        Klikoni në lidhjen këtu për të plotësuar https://survey3.medallia.com/…!

        Bashkimi i Dhomave të Tregtisë dhe Industrisë të Shqipërisë fton të gjitha #dhomat dhe #shoqatat e biznesit të ndajnë këtë anketë me bizneset e tyre për t’a plotësuar.

        Ftojmë #bizneset, të çdo përmase, të bëhen pjesë e një procesi informimi dhe vlerësimi metodik të impaktit të pandemisë COVID-19 në ekonomi, përmes plotësimit të anketës https://survey3.medallia.com/… së prezantuar nga ICC dhe OBSH, në kuadër të një bashkëpunimi unikal ndërmjet këtyre dy organizatave botërore që synojnë nxitjen e bashkëveprimit ndërkombëtar për të siguruar një përgjigje solide ndaj kësaj krize botërore.

        Jeni të lutur ta ndani këtë Anketim me rrjetin tuaj të biznesit!

        Për çdo paqartësi mos hezitoni të na kontaktoni në adresën info@uccial.al

          112

          Kryeministri Edi Rama ka paralajmëruar zgjerim të paketës së ndihmës financiare për bizneset e prekura nga situata e krijuar nga coronavirus. Nisur nga kjo, pak ditë më parë ministri i shtetit për Mbrojtjen e Sipërmarrjes, Eduard Shalsi si dhe ai i Financave, Arben Ahmetaj, zhvilluan një bisedë online me drejtues të dhomave dhe shoqatat e biznesit për të dëgjuar shqetësimet e tyre. Ines Muçostepa, kryetare e Bashkimit të Dhomave të Industrisë dhe Tregtisë tregoi më tepër detaje për Euronews Albania rreth kësaj bisede online.

          “Ditën e premte patëm një takim me dy ministrat. Diskutimi u bazua kryesisht në informacionin që ata na dhanë në lidhje me zgjerimin e fashës në të cilën bizneset do të kenë mundësi të punojnë duke filluar që prej ditës së sotme. Kërkuam mendime lidhur me procedurat, të cilat mund të lehtësojnë të bërit biznes në këtë fazë të dytë. Ne kishim edhe disa kërkesa për të cilat nuk morëm përgjigje, por na u tha se ishin në shqyrtim e sipër. Disa sinjale pozitive janë, kjo ishte një tryezë e mirë dialogu”, tha Muçostepa.

          Ajo shtoi se u insistua që të ketë një vëmendje të veçantë sektori i turizmit. “Kjo del qartë edhe nga përgjigjet që na u dhanë që për sektorin e turizmit paketa ekonomike do të ketë një vëmendje të veçantë, një sektor tmerrësisht i goditur, pas tërmetit edhe më shumë, me dëme goxha të mëdhaja sa i përket ekonomisë shqiptare”, u shpreh kryetarja e Bashkimit të Dhomave të Industrisë dhe Tregtisë.

          Një prej kërkesave të bëra në mënyrë që të ketë një vëmendje të shtuar në paketën financiare lidhet me industrinë e fasoneve.

          “Sa i përket paketës për subjektet fasone, edhe këtu hyn një element goxha i rëndësishëm duke llogaritur edhe fashën e gjerë të punësimit që fasonet ofrojnë në Shqipëri, ku janë rreth 70 mijë të punësuar. Ne dhe me një kërkesë të parë dërguar qeverisë diku nga data 17 mars, në kërkesat tona të para, e menduam që ky sektor do të ishte krejtësisht i mbrojtur në këtë moment nga shteti duke qenë se po vuan shumë sa i takon furnizimit me lëndë të para apo porosive të cilat në këtë moment janë ndërprerë duke qenë që është një fason që punon shumë edhe me Italinë apo vende të tjera të BE-së dhe siç e dimë që marrëdhëniet tregtare në këtë moment po pësojnë një goditje”, u shpreh Muçostepa.

          Më tej zbuloi kërkesën e saj për marrjen e një iniciative nga shteti në mbrojtje të këtij sektori dhe për ta lançuar këtë sektor tashmë edhe në produkte për eksport.

          “Kishte patur sinjale të qarta në këtë sektor edhe nga Italia, që kompani të caktuara të cilat merren me industrinë fason, kishin dalë me iniciativa goxha të mira dhe me benefite të forta ekonomike në këtë situatë sa i përket prodhimit të maskave, apo prodhimit të veshjeve spitalore. Kjo ishte një nga kërkesat tona që i bëmë qeverisë që në paketën e parë më datë 17 mars”, tha kryetarja e Bashkimit të Dhomave të Industrisë dhe Tregtisë.

            104

            Kryetarja e Bashkimit të Dhomave të Tregtisë dhe Industrisë të Shqipërisë, Znj. Ines Muçostepa ka qenë e ftuar në Ora News, ku ka folur për ndihmën financiare dhe mbështetjen që shteti duhet ti japi biznesit shqiptar në këto momente.

            Ajo u shpreh se “Të gjithë sektorët kanë nevojë të mbështeten me këto kredi. Kemi kundërshtuar normën e interesit 2.85, goxha e lartë, ndërsa në vendet rreth nesh kanë qenë jo më shumë se 1%. Kemi kërkuar që kjo normë të ishte 0.2%, një normë të gjithë sipërmarrjes. Por nga qeveria flitet që mund ketë një paketë të dytë dhe të gjitha vërejtjet tona të mund të përfshihen në paketën tjetër”

            Për më tepër, ndiqni intervistën më poshtë

              64

              Kryetarja e Bashkimit të Dhomave të Tregtisë dhe Industrisë të Shqipërisë, Znj. Ines Muçostepa është shprehur për një intervistë për Euronews Albania, ku ka folur mbi kërkesat që bizneset kanë në kuadër të situatës së krijuar prej pandemisë së #COVID19, shqetësimet dhe propozimet konkrete drejtuar qeverisë shqiptare.

              Intervistën mund ta ndiqni duke klikuar në linkun më poshtë:

                75

                Bashkimi i Dhomave të Tregtisë dhe Industrisë të Shqipërisë, në emër edhe të shoqatave të biznesit, përshëndet iniciativën e Z. Arben Ahmetaj, të ndërmarrë për ti ardhur në ndihmë sipërmarrjeve që operojnë në industrinë e fasonerisë, për të përballuar krizën në të cilën ajo ndodhet për shkak të koronavirusit, iniciativë kjo që përkon edhe me një nga kërkesat tona të paraqitura në datë 17/03/2020.

                Bashkimi i Dhomave të Tregtisë dhe Industrisë të Shqipërisë i ka drejtuar edhe një shkresë zyrtare Ministrit Ahmetaj, të cilën mund ta lexoni në vijim:

                beni 1

                beni 2

                  83

                  Në vijim të paketës financiare që Bashkimi i Dhomave të Tregtisë dhe Industrisë të Shqipërisë dhe shoqatat e biznesit i kanë dërguar Qeverisë shqiptare, dëshirojmë t’ju informojmë se i kemi dërguar edhe një letër të hapur Kryeministrit Rama mbi rëndësinë që ka kjo paketë për të parandaluar rënien e ekonomisë në kolaps.

                  Në vijim letra:

                  ll 1

                  ll 2

                  Projekte

                  1784
                  Union of Chambers of Commerce and Industry of Albania, Foreign Trade, Chamber of Bosnia and Herzegovina, Croatian Chambers of Economy, Economic Chamber of (former...