198

    Bashkimi i Dhomave të Tregtisë dhe Industrisë së Shqipërisë, në bashkëpunim me Dhomën e Tregtisë, Industrisë, Minierave dhe Agrikulturës së Iranit dhe nën përkujdesjen e Ambasadës së Republikës Islamike të Iranit, organizoi në datë 25 prill, në ambientet e Hotel Tiranës, Forumin e Biznesit “Shqipëri-Iran”.

    Forumi kishte si qëllim forcimin e marrëdhënieve ndërmjet dy vendeve, duke prezantuar të gjitha mundësitë potenciale për investim. Ky aktivitet u fokusua në investimet e huaja dhe partneritetet në biznes ndërmjet përfaqësuesve të biznesit iranian dhe kompanive shqiptare, kryesisht për sektorët  e mjekësisë, naftës, gazit dhe mallrave të konsumit.

    Kryetarja e Bashkimit të Dhomave të Tregtisë dhe Industrisë së Shqipërisë, Ines Muçostepa, në fjalën e saj tha se Shqipëria është një vend tërheqës me shumë sektorë për investitorët e huaj.

     

    ines mucostepa. forumi i iranit 2

    “Stabiliteti makroekonomik, kuadri ligjor i favorshëm dhe reformat strukturale të ndërmarra kanë krijuar terrenin e përshtatshëm ku mund të investoni kapitalet tuaja. Tashmë Shqipëria është dhe porta hyrëse dhe orientuese, jo vetëm në një treg të vogël si ai shqiptar, por në gjithë Ballkanin”, deklaroi Muçostepa.

    Ajo u shpreh se ka akoma shumë punë për të bërë për të intensifikuar marrëdhëniet ekonomike dypalëshe dhe shkëmbimet tregtare.

    “Për të arritur këtë duhet të punojmë me axhenda të përbashkëta për të organizuar sipërmarrjet tona që të marrin pjesë në panaire, apo misione tregtare të cilat tashme mendoj që duhet të fillojnë të shpeshtohen. Institucionet e larta shtetërore janë duke ndërmarrë hapa drejt plotësimit të kuadrit ligjor për t’u dhënë shtysë shkëmbimeve ekonomike dhe tregtare. Është në proces negocimi marrëveshja për nxitjen dhe mbrojtjen e investimeve, si dhe marrëveshja për eliminimin e taksimit të dyfishtë. Të gjitha këto elementë mendoj që në momentin që do të aplikohen do të jenë një ndihmëse për sipërmarrjet tona”, theksoi Muçostepa.

    Ndërsa kryetari i Dhomës së Tregtisë, Industrisë dhe Bujqësisë së Iranit, Golamhossein Shafeei, tha se marrëdhëniet ndërmjet Iranit dhe Shqipërisë janë të hershme, të cilat sipas tij, pavarësisht ulje dhe ngritjeve gëzojnë një vend pozitiv në opinionin publik të të dy vendeve.

    “Populli i Iranit ka pasur gjithmonë konsideratë për popullin shqiptar. Si vazhdim i historisë, besimit dhe kulturës, po bëjmë përpjekje për të forcuar gjithnjë e më tepër marrëdhëniet ekonomike, kulturore, shkencore, teknologjike, industriale, akademike dhe turistike me Shqipërinë”, u shpreh Shafeei.

    Duke folur për bashkëpunimin ekonomik mes dy vendeve, Shafeei tha se “Irani është një nga prodhuesit e mëdhenj të naftës dhe gazit natyror dhe një vend i pasur me rezerva minerare. Investimi në fushën e shërbimeve dhe pajisjeve të instalimeve të naftës dhe gazit, shërbimeve dhe pajisjeve minerare, industrisë energjetike, industrisë së shfrytëzimit, është një rast i volitshëm për faktorët ekonomikë të Shqipërisë. Aktualisht zhvillimi i marrëdhënieve të Iranit me vendet e rajonit të Ballkanit, pra edhe me Shqipërinë, në fushat e transportit , peshkimit, bujqësisë, produkteve ushqimore, energjisë, naftës dhe gazit, minierave është në rendin e ditës së Dhomës së Tregtisë së Iranit”.

    Sipas tij, Shqipëria mund të luajë për importet dhe eksportet e Iranit në Evropë të njëjtin rol që Irani mund të luajë si portë hyrjeje e Shqipërisë në vendet rreth detit Kaspik.

    Forumi u përmbyll suksesshëm me firmosjen e një memorandumi bashkëpunimi midis Bashkimit të Dhomave të Tregtisë dhe Industrisë së Shqipërisë dhe Dhomës së Tregtisë, Industrisë, Minierave dhe Agrikulturës së Iranit, për të vijuar me takimet B2B, ku fokus ishin diskutimet për   bashkëpunim në disa sektorë, ndërsa sipas organizatorëve ky aktivitet ishte një mundësi e mirë për sipërmarrjen e të dy vendeve, për të ndarë përvojat e tyre dhe për bashkëpunime të mundshme në të ardhmen.

      119

      Kryetarja e Bashkimit të Dhomave të Tregtisë dhe Industrisë së Shqipërisë mori pjesë në ceremoninë e hapjes së panairit të shkollave dhe aftësive profesionale, edicioni 2018.

      I pranishëm në këtë ceremoni ishte edhe Kryeministri i Shqipërisë, SH.T.Z Edi Rama, i cili në fjalën e tij u shpreh se “Shqipërisë i mungojnë punëtorë të kualifikuar në industrinë tekstile, industrinë ushqimore, në vendosjen e skelave të ndërtimit, në mirëmbajtjen e makinerive industriale, në industrinë elektromekanike. Shqipërisë i mungojnë saldatorë, elektricistë, kuzhinierë, guida turistike, gjeologë, minatorë, specialistë ashensorësh…”

      Rama u shpreh gjithashtu se sa më shumë profesione dhe sa më shumë zanate të ketë, aq më shumë mundësi punësimi real dhe aq më shumë rritje të qëndrueshme ekonomike do të ketë.

        143

        Është lançuar në datë 11 prill, në ambientet e Hotel Tirana International, lançimi i thirrjes së dytë për projekt-propozimet e Programit Interreg Adriatiko-Jonian (ADRION).

        Eventi shërbeu si një forum informues për të gjithë të interesuarit mbi modalitetet e kësaj thirrjeje.

        Në event morën pjesë  edhe organizata e institucioneve nga vendet e tjera të Programit, duke shërbyer si mundësi për vendosjen e kontakteve për partneritete të mundshme në kuadër të kësaj thirrjeje.

        Në këtë takim, i ftuar ishte edhe Bashkimi i Dhomave të Tregtisë dhe Industrisë së Shqipërisë, i cili u përfaqësua nga Kryetarja, Znj. Ines Muçostepa dhe Znj. Uarda Llazi.

        Informacioni i cili u përcoll në këtë takim, mund ta gjeni në linkun:

        http://www.adrioninterreg.eu/index.php/2018/04/17/tirana-2nd-call-for-proposals-priority-axis-2/

          162

          Forumi i Dhomave të Tregtisë dhe i Shoqatave të Sipërmarrjes , i kryesuar nga Kryetarja e Bashkimit të Dhomave të Tregtisë dhe Industrisë së Shqipërisë, Znj. Ines Muçostepa, ka bërë takimin e rradhës në datë 2 prill 2018, në ambientet e Hotel Xheko Imperial.

           

          ines mucostepa. rruga e kombit 2

          Nëpërmjet këtij takimi, Forumi i Dhomave të Tregtisë dhe i Shoqatave të Sipërmarrjes reagoi për taksën e vendosur në rrugën e kombit.

          Sipas Kryetarit të Dhomës së Tregtisë dhe Industrisë së Tiranës, Z. Nikolin Jaka, çdo akt dhune ndaj pronës publike dhe private është i dënueshëm dhe se Forumi i Dhomave të Tregtisë dhe i Shoqatave të Sipërmarrjes në mbrojtje të sipërmarrësve shprehet kundra dhunës ndaj sipërmarrjes.

          Sipas Z. Jaka, ka hapësira për negociata me koncesionarin, duke u shprehur gjithashtu se duhet të hapet dialogu midis sipërmarrjes dhe qeverisë për të parë skemat e lehtësimit për përdoruesit e shpeshtë.

            154

            Bashkimi i Dhomave të Tregtisë dhe Industrisë së Shqipërisë ju informon se kompania Ukrainase “Senco Ukrainë”është e interesuar të bashkëpunojë me kompani shqiptare, të cilat operojnë në sektorin e prodhimit të fruta-perimeve.

             

            Për të shprehur interesin, kompanitë duhet të kontaktojnë në adresën info@uccial.al , në mënyrë që të mundësojmë kontaktin.

              206

              Kryetarja e Bashkimit të Dhomave të Tregtisë dhe Industrisë së Shqipërisë, Znj. Ines Muçostepa mori pjesë në aktivitetin e organizuar në datë 27 mars nga Konfindustria Italiane në Shqipëri: “Reforma në drejtësi, Element thelbësor për Investimet e huaja”

               

              Në këtë aktivitet të zhvilluar në kuadër të Asamblesë së Përgjithshme të Konfindustrisë Italiane në Shqipëri, mori pjesë edhe Ambasadori Italian SH.T.Z Alberto Cutillo, i cili gjatë fjalës së tij u shpreh:  “Reforma në drejtësi po hyn në një fazë të rëndësishme. Kjo fazë sigurisht nuk do të jetë e shkurtër, por jam i sigurt se bizneset do të kenë mundësi të prekin rezultatet pozitive që do të vijnë nga kjo reformë. Rivlerësimi i të gjithë gjyqtarëve dhe prokurorëve do ta përmirësojë sistemin e drejtësisë në Shqipëri, me përfitime edhe për klimën e biznesit”Reforma në Drejtësi, Element thelbësor për Investimet e huaja 1

                223

                Kryetarja e Bashkimit të Dhomave të Tregtisë dhe Industrisë së Shqipërisë, Znj. Ines Muçostepa mori pjesë ditën e sotme në tryezën mbi punësimin, të organizuar nga Ministria e Shtetit për Mbrojtjen e Sipërmarrjes.

                Kjo tryezë, ku morën pjesë grupet e interesit dhe përfaqësuesit e institucioneve përgjegjëse, u përqëndrua në formulimin e rekomandimeve mbi hartimin e një strategjie për nxitjen e punësimit dhe përfshirjen e komunitetit të biznesit në mënyrë aktive në këtë strategji.

                 

                tryeza e sipermarrjes 2

                 

                tryeza e sipermarrjes 3

                 

                tryeza e sipermarrjes 4

                 

                  230

                  Bashkimi i Dhomave të Tregtisë dhe Industrisë së Shqipërisë ju informon se në kuadër të një projekti të përbashkët me Dhomat Gjermane të Industrisë dhe Tregtisë në rajonin e Ballkanit, kërkohen profile kompanish shqiptare që kanë kapacitet prodhues, eksportues dhe janë të afta t’u shesin produktet e tyre 65 kompanive të përzgjedhura gjermane, të cilat operojnë në Gjermani në fushat e:

                   

                  Ndërtimit të makinerive

                  Industrisë automotive

                  Industria aeronautike,

                  Sistemeve energjitike

                  Valuave industrial

                  Interior, mobilie

                  Materiale plastike,

                  Elektronikë

                   

                  Profilet dhe të dhënat kryesore për këto kompani gjermane i gjeni këtu: Short profiles DE Comp

                   

                  Nëse jeni të interesuar, lutemi të plotësoni formularin në Excel (Supplier Sheet) , të cilin e gjeni këtu: Supplier Sheet  me të dhënat për kompaninë Tuaj, si dhe të specifikoni kompanitë gjermane me të cilat do të dëshironit të bashkëpunonit .

                  Formularin duhet ta dërgoni brenda datës 12 prill 2018, në adresën info@uccial.al

                    280

                    Është zhvilluar në datë 8 mars, në ambientet e Dhomës së Tregtisë dhe Industrisë Shqipëri-Francë, mbledhja pregatitore për organizimin e Business Forum France- Balkans 2018, e cila do të zhvillohet në Beograd, përgjatë datave 30 maj- 1 qershor 2018.

                     

                    Në këtë mbledhje ishin të pranishëm organizatorët e këtij eventi: Drejtori i Business France për Greqinë, Shqipërinë, Maqedoninë, Qipron, Malin e Zi, Serbinë, Z. Pierre Lignot,  Sekretarja e Përgjithshme e Bashkimit të Dhomave të Tregtisë dhe Industrisë së Shqipërisë, Znj. Majlinda Manushi, Znj. Uarda Llazi, Z. Genc Çeli dhe Znj. Blerina Kazhani.

                     

                    Në këtë forum pritet të marrin pjesë 200-250 kompani nga 12 shtete, të tilla si: Shqipëri, Bosnja dhe Herzegovina, Bullgaria, Qipro, Kroacia, Maqedonia, Greqia, Kosova, Moldavia, Mali i Zi, Rumania, Serbia.

                     

                    Forumi do të fokusohet në 6 sektore kryesore: Agroindustria, Infrastruktura, Energjia (me fokus në burimet e rinovueshme), IT, Turizmi, Industria e Automobilave.

                     

                     

                     

                     

                      235

                      Bashkimi i Dhomave të Tregtisë dhe Industrisë së Shqipërisë në bashkëpunim me Ministrinë për Evropën dhe Punët e Jashtme organizuan ditën e sotme një tryezë diskutimi midis Ministrisë për Evropën dhe Punët e Jashtme dhe Kryetarëve të Dhomave të Qarqeve dhe sipërmarrjeve eksportuese.

                       

                      Të pranishëm në këtë tryezë ishin Ministri për Evropën dhe Punët e Jashtme, Z. Ditmir Bushati, Zv. Ministri Z. Etjen Xhafaj, Kryetarja e Bashkimit të Dhomave të Tregtisë dhe Industrisë së Shqipërisë, Znj. Ines Muçostepa, Kryetari i Dhomës së Tregtisë dhe Industrisë Tiranë, Z. Nikolin Jaka, Kryetari i Dhomës së Tregtisë dhe Industrisë Lezhë, Z. Pashk Paloka, Kryetari i Dhomës së Tregtisë dhe Industrisë Fier, Z. Shezai Çobo, Kryetari i Dhomës së Tregtisë dhe Industrisë Dibër, Z. Edmond Cami, përfaqësues nga sipërmarrje eksportuese etj.

                      Organizohet tryeza e diskutimit midis Kryetarëve të Dhomave të Tregtisë dhe Ministrisë për Evropën dhe Punët e Jashtme 2

                       

                      Ministria për Evropën dhe Punët e Jashtme shprehën gatishmërinë për të mbështetur Dhomat e Tregtisë dhe propozuan gjithashtu që  aktivitetet tona të shtrihen gjeografikisht.

                      Organizohet tryeza e diskutimit midis Kryetarëve të Dhomave të Tregtisë dhe Ministrisë për Evropën dhe Punët e Jashtme 3

                      Organizohet tryeza e diskutimit midis Kryetarëve të Dhomave të Tregtisë dhe Ministrisë për Evropën dhe Punët e Jashtme 4

                       

                      Sipërmarrësit e pranishëm diskutuan mbi problematikat që ndeshin gjatë eksporteve, si dhe propozuan sugjerime të ndryshme, të tilla si: diversifikimi i potencialeve të vendit tonë në vendet në zhvillim, si Afrika, Libani, Irani etj, të cilat kanë shumë kërkesa për produktet shqiptare, mbështetje më të madhe nga Ambasadorët tanë dhe ndihma e tyre në gjetjen e vendeve eksportuese, rritja e bashkëpunimit të AIDA me Dhomat e Tregtisë etj.

                      Projekte

                      1041
                      Union of Chambers of Commerce and Industry of Albania, Foreign Trade, Chamber of Bosnia and Herzegovina, Croatian Chambers of Economy, Economic Chamber of (former...