295

    “Nuk mund të ketë një sukses të vërtet në procesin e integrimit në BE, pa i përgatitur më parë edhe në terma ekonomik, vendet dhe rajonin, të cilët synojnë anëtarësimin”, kështu u shpreh Komisioneri i zgjerimit të BE, në fjalën e tij në ceremoninë e hapjes së Samitit të katërt të Ballkanit, që këtë vit mbahet në Trieste.

     

    trieste 2

    Samiti ka bërë bashkë personalitetet më të njohura jo vetëm të politikës, por edhe personalitete të njohura të sipërmarrjes dhe botës së biznesit.

    Të pranishëm në këtë Samit nuk janë vetëm Kryeministrat dhe Ministrat e Ekonomisë dhe të Transportit të vendeve të Ballkanit, por edhe homologët e tyre nga 6 shtete anëtare të Bashkimit Evropian, si Austria, Kroacia, Franca, Gjermania, Italia dhe Sllovenia.

    Një vëmendje të veçantë do ti kushtohet edhe “Forumit të Biznesit”, i cili do të strukturohet në formën e një seance plenare, e cila do të përfshijë edhe një tryezë të dedikuar për instrumentet financiare.

    Në pasdite është parashikuar të organizohen takime bilaterale midis kompanive dhe institucioneve nga gjashtë vende të Ballkanit Perëndimor dhe pjesëmarrëve italian.

    Të pranishëm në këtë Samit, janë Kryeministri i Shqipërisë, Z.Edi Rama, Ministrja e Zhvillimit  Ekonomik,Turizmit, Tregtisë dhe Sipërmarrjes, Znj.Milva Ekonomi, si dhe Kryetarja e Bashkimit të Dhomave të Tregtisë dhe Industrisë së Shqipërisë, Znj.Ines Muçostepa

     

    trieste milva

     

     

     

      322

      Inspektime të planifikuara, të njoftuara dhe të informuara për dokumentacionin që do t’u kontrollohet bizneseve.

      Inspektori i Përgjithshëm, Shkëlqim Hajdari, u shpreh gjatë një takimi konsultativ me komunitetin e biznesit, se 75% e kontrolleve do të jenë  të planifikuara dhe njoftimi i sipërmarrjes që do të kontrollohet do të bëhet 3 ditë para.

      Ndërkohë gjithë procesi i kontrollit do të jetë online, çka do të ulë abuzivizmin dhe korrupsionin në këtë proces.

      “Listat dixhitale dhe kartat dixhitale të të gjithë inspektorëve të Republikës së Shqipërisë, sipas inspektoriateve shtetërore, pranë biznesit. Kemi dërguar të gjithë check-listat, që do të thotë se çdo inspektoriat shtetëror që vjen tani e tutje për të bërë një inspektim, do ta bëjë atë inspektim mbi bazën e disa dokumentave standarde të formalizuara dhe mbi bazën e check-listave, për të garantuar që çdo biznes të kontrollohet në mënyrë të barabartë”, tha Hajdari.

      Kryetarja e Unionit të Dhomave të Tregtisë, Ines Mucostepa, kërkoi në emër të biznesit që inspektorët të jenë më bashkëpunues me sipërmarrjen.

      “Është e rëndësishme që apelimi të jetë pikërisht pranë Inspektoriatit Qendror, në mënyrë që edhe në rast abuzimi të jetë ky sportel, ku të gjitha sipërmarrjet të mund të depozitojnë ankesat e tyre lidhur me abuzime dhe raste të ndryshme. Ne si sipërmarrje, duke dëgjuar platformën që ju sot informuat, praktikisht do ta mbështesim këtë iniciativë. E konsiderojmë vërtetë shumë të rëndësishme. Transparenca e inspektimit ne e dimë që do të krijojë një klimë të mirë biznesi, do të ndihmojë formalizimin e ekonomisë, konkurrencën e ndershme mes sipërmarrjes dhe do të ndihmojë patjetër në eliminimin e korrupsionit. Por, në të njëjtën kohë, ashtu siç do t’ju mbështesim, patjetër do të jemi edhe shumë të vëmendshëm për të mbikëqyrur gjithë këtë proces”, u shpreh Mucostepa.

       

        389

        Kryetarja e Bashkimit të Dhomave të Tregtisë dhe Industrisë së Shqipërisë pati sot një takim me Ambasadoren e Kinës, Znj.Jiang Yu.

        Takimi, i cili erdhi pas ftesës së vet Ambasadores, u zhvillua në ambientet e Ambasadës Popullore të Republikës së Kinës në Shqipëri dhe u përqëndrua në forcimin e marrëdhënieve ekonomike mes dy vendeve.

        Shkëlqesia e saj, Znj. Jiang Yu vlerësoi Bashkimin e Dhomave të Tregtisë dhe Industrisë së Shqipërisë si një institucion që përfaqëson në mënyrën më të mirë bizneset shqiptare, ndaj prej saj konsiderohet e nevojshme krijimi i marrëdhënieve midis Ambasadës dhe këtij institucioni, si një urë lidhëse edhe për bizneset e të dyja vendeve.

        Nga ana tjetër, Znj.Muçostepa shprehu se Bashkimi i Dhomave të Tregtisë dhe Industrisë së Shqipërisë është gjithmonë i gatshëm të japi kontributin e saj në forcimin e kësaj marrëdhënieje, duke e konsideruar takimin e sotëm, vetëm si hapin e parë.

         

        ambasada kineze 2

        Shkëlqesia e saj, Znj.Yu, u shpreh se bizneset kineze janë të interesuar përgjithësisht në tre sektorë: infrastrukturë, energjitikë dhe në fasoneri.

        Ajo nuk harroi të përmendte edhe panairet e rëndësishme të biznesit që do të zhvillohen në Kinë, ku mirëpret bizneset shqiptare, si dhe ftoi Znj.Muçostepa të qendronte në stendën e Ambasadës Kineze, për të promovuar sipërmarrjen kineze, në panairin Klik Ekspo Group që do të zhvillohet në Tiranë, ftesë që Znj.Muçostepa e pranoi me kënaqësi.

          1239

          Konferenca për shtyp datë 13/06/2017

          Kërkesë drejtuar partive politike

           

          U zhvillua sot, në ambientet e Hotel Xheko Imperial, konferenca e radhës e Forumit të Dhomave të Tregtisë dhe Shoqatave të sipërmarrjes. E pranishëm në këtë konferencë ishte Kryetarja e Bashkimit të Dhomave të Tregtisë dhe Industrisë së Shqipërisë, Znj.Ines Muçostepa, Kryetari i Dhomës së Tregtisë dhe Industrisë Tiranë, Z.Nikolin Jaka, Kryetari i Biznes Albania, Z.Luan Bregasi, kryetarë të tjerë të shoqatave, si dhe përfaqësues të medias, të cilët e transmetuan live konferencën.

           

          Forumi i  Dhomave të Tregtisë dhe Shoqatave të Sipërmarrjes, pas konsultimit të vazhdueshëm me të gjithë organizatat e biznesit, prej disa muajsh ka ndjekur me vëmendje zhvillimet politike në vend, si dhe platformat ekonomike të të gjithë spektrit politik në fushatën elektorale.

          Në respektim të plotë të rolit që ka sipërmarrja private në zhvillimin e ekonomisë shqiptare dhe të detyrimit për ta përfaqësuar denjësisht atë në marrëdhënie me politikën dhe qeverinëe, ekspertët e këtij forumi kanë përgatitur një platformë për tja paraqitur forcave politike, me qëllim që të merret në konsideratë dhe të përfshihet në programin e tyre elektoral për pjesën ekonomike.

          Platforma e propozuar nga Forumi i  Dhomave të Tregtisë dhe Shoqatave të Sipërmarrjes ka si synim zhvillimin ekonomik të qendrueshëm, i cili mbështetet në identifikimin dhe analizën e kapaciteteve, potencialeve dhe burimet që ofron vendi ynë.

          Konferenca u hap nga Znj.Ines Muçostepa dhe fjalën e saj mund ta lexoni më poshtë:

          Të nderuar përfaqësues të sipërmarrjes,

          Të nderuar përfaqësues të mediave

          Kjo është tryeza e katërt e organizuar nga Forumi i Dhomave të Tregtisë dhe Shoqatave të Sipërmarrjes,  në përbërje të të cilit janë të angazhuar përfaqësusesit më në zë të sipërmarrjes private në vendin tonë, duke u kthyer tashmë në një traditë të rëndësishme e të konsoliduar.

          Do të doja të kujtoja temat e rëndësishme për të cilat ky Forum është mbledhur dhe ka dalë me propozime konkrete, si ato lidhur me procedurat tatimore, implementimin e reformës në drejtësi dhe mbështetjen e vendimit të marrë nga qeveria shqiptare, lidhur me uljen e TVSH në turizëm.

          Forumi i Dhomave të Tregtisë dhe Shoqatave të Sipërmarrjes, prej disa muajsh ka ndjekur me vëmendje zhvillimet politike në vend, si dhe platformat ekonomike të paraqituara nga forcat politike në fushatën elektorale.

          Në respektim të plotë të rolit që ka sipërmarrja private në zhvillimin e ekonomisë shqiptare dhe të detyrimit për ta përfaqësuar denjësisht atë në marrëdhënie me politikën dhe qeverinë, ekspertët e këtij forumi,  pasi konsultuan te gjitha propozimet e paraqitura nga anetaret kanë përgatitur një platformë, ku jane perfshire disa prioritete per zhvillimin ekonomik, qe do t’ju paraqitet forcave politike po sot, me qëllim që të merret në konsideratë dhe të përfshihet në programin e tyre elektoral për pjesën ekonomike.

          Platforma e propozuar nga Forumi i  Dhomave të Tregtisë dhe Shoqatave të Sipërmarrjes ka si synim zhvillimin ekonomik të qendrueshëm, i cili mbështetet në identifikimin dhe analizën e kapaciteteve, potencialeve dhe burimet që ofron vendi ynë.

           


          forumi pic 1

            561

             

             

            Kryetarja e Bashkimit të Dhomave të Tregtisë dhe Industrisë, Znj.Ines Muçostepa, mori pjesë mëngjesin e ditës së djeshme në aktivitetin “Prezantimi i produkteve të reja financiare si mbështetje për bizneset e reja, të vogla dhe të mesme me fokus sipërmarrjen rionore dhe femërore”

             

            Aktiviteti, i cili u zhvillua në ambientet e Pazarit të Ri, bëri bashkë sipërmarrësist e rinj dhe sipërmarrjen rinore. Qëllimi kryesor i tij ishte rritja e bashkëpunimit midis Bashkisë dhe komunitetit të biznesit.

            34788554880_563a4501b4_o

            35010205762_591dc5726d_o

             

            Ndër pjesëmarrësit në këtë aktiviteti ishin dhe Z.Eugen Liçi, CEO i CEFTA (Crimson Finance Fund Albania), si dhe Znj.Julia Sinanaj, konsulente e AADF për Pazarin e RI.

             

             

              405

               

              Bashkimi i Dhomave të Tregtisë dhe Industrisë së Shqipërisë organizoi një mëngjes pune në datën 29 maj.

              Takimi, i cili u zhvillua në ambientet e Hotel Tirana International, pati si temë sfidat e vitit elektoral në klimën e biznesit.

              I pranishëm në këtë takim ishte edhe ish-Ministri i Financave, Z.Arben Ahmetaj. Z.Ahmetaj u shpreh se kjo qeveri e gjeti Shqipërinë në një greminë ekonomike, dhe për të parën herë në 25 vite, kemi një qeveri që nuk abuzon me financat publike në një vit elektoral.

              Ish Ministri u ndal edhe në investimet e huaja dhe të ardhurat nga sektori i turizmit. Sipas Z.Ahmetaj, ato kanë njohur rritjen më të madhe në 25 vitet e fundit.

              Duke folur për situatën në të cilën ndodhet biznesi, Z.Ahmetaj u shpreh se qeveria ka një platform të qartë për ekonominë dhe biznesin për katër vitet e ardhshme.

              Të pranishëm në këtë takim ishin edhe shumë përfaqësues të njohur të sipërmarrjes shqiptare.

                423

                 

                Ka përfunduar sot me sukses, workshopi i zhvilluar në ambientet e Hotel Mondial, me temë : Organet e certifikimit të sistemit të menaxhimit të energjisë.

                Workshopi, i cili u zhvillua përgjatë dy ditëve, më 7 dhe 8 qershor, erdhi si bashkëpunim i TAIEX me Drejtorinë e Përgjithshme të Akreditimit.

                Workshopi u drejtua nga dy lektorë italianë, Znj.Battellino dhe Z.Riva, të cilët  veç informacioneve të përditësuara, ndanë me pjesëmarrësit edhe praktikat më të reja të menaxhimit të energjisë.

                Lektorët italianë u ndalën edhe në shembuj konkretë të këtyre praktikave, si dhe organizuan ushtrime me pjesëmarrësit, në mënyrë që informacionet të ishin sa më efektive.

                3bf13999-d05e-4a2d-877f-e2364383388f

                Wokshopi pati një pjesëmarrje të gjerë, nga Universiteti i Politeknikut, nga bizneset që kanë fokus energjinë, si dhe nga institucionet shtetërore.

                E pranishme në këtë trajnim ishte edhe përfaqësuesja e Bashkimit të Dhomave të Tregtisë dhe Industrisë së Shqipërisë, Znj.Uarda Llazi.

                  492

                  Ka çelur siparin në datë 22 maj, në Gaziantep të Turqisë Panairi Ndërkombëtar “DOMOTEX TURKEY 2017”.

                  “DOMOTEX TURKEY 2017” është një ndër panairet më të njohur në botë në fushën e tekstilit.

                  Këtë vit, tema kryesore e panairit ishte e fokusuar në ekspozimin e qelimave të llojeve të ndryshme, si dhe produkteve të ngjashme me to.

                  Panairi, i cili pati një pjesëmarrje të gjerë, u mbyll më 25 maj.

                    359

                    Komisioni për Vlerësimin e Masave për Importet zhvilloi mbledhjen e tij të radhës, në mjediset e Ministrisë së Zhvillimit Ekonomik, Turizmit, Tregtisë dhe Sipërmarrjes. Tema e takimit ishte diskutimi mbi fillimin e një procedure hetimore për vendosjen e masave mbrojtëse ndaj importit të qumështit UHT (Ultra High Temperature), me qëllim mbrojtjen e prodhuesve vendas në këtë sektor.

                    Anëtarët e Komisionit u njohën me një prezantim nga Drejtoria e Mbështetjes së Sipërmarrjes në MZHETTS, lidhur me kërkesën e sektorit të Industrisë së përpunimit të qumështit, ku analiza për vlerësimin e dëmit që i bëhet industrisë vendase nga importi i qumështit UHT u bazua në disa faktorë: Vëllimi i importeve, i cili ka pësuar një rritje të konsiderueshme prej 34 % në periudhën 2011-2016; Çmimin e importeve që ka ardhur duke u ulur nga viti në vit; Ndikimin e importeve te prodhuesit vendas.

                    Komisioni ra dakord që të nisë një procedurë hetimore për vendosjen e masave mbrojtëse ndaj importeve të qumështit UHT, ku do të informohen dhe gjithë palët në këtë proces. Në takim u kërkua që në mbledhjet e ardhshme të ketë pjesëmarrje si vëzhgues edhe nga INSTAT dhe Drejtoria e Ndihmës Shtetërore.

                     

                      436

                      Këshilli i investimeve zhvilloi në datën 10 maj, në ambientet e Ministrisë së Zhvillimit Ekonomik, Turizmit, Tregtisë dhe Sipërmarrjes, mbledhjen e tij të 10.

                      Mbledhja, e cila u drejtua nga Ministrja Ekonomi, pati si temë kryesore: “Lehtësimin e mëtejshëm të procedurave doganore”.

                      Ministrja Ekonomi vlerësoi rëndësinë e kësaj teme, pasi vjen si një kërkesë e vazhdueshme nga biznesi për lehtësimin  e procedurave doganore dhe  rritjen e konkurrueshmërisë dhe stimulimin e eksporteve. Gjithashtu, edhe si detyrim për të përmirësuar klimën e biznesit dhe renditjen e Shqipërisë në Doing Business.

                      Anëtarët e Këshillit dëgjuan me vëmendje gjetjet e raportit të përgatitur nga Sekretariati i KI, lidhur me problematikat në procedurat aktuale doganore dhe disa rekomandime si mund të lehtësohen dhe përmirësohen.

                      Analiza u bazua në ankesat e bizneseve të depozituara në Sekretariat gjatë periudhës 2015 – 2016 (rreth 30 ankesa), një pyetësor i hapur online  dhe u plotësua nga 23 kompani, si dhe rreth 25 takime janë zhvilluar me biznese, importuese dhe eksportuese dhe në rrethe, kompani konsulence, administratën doganore, Ministrinë e Financave dhe Ministrinë e Ekonomisë.

                      Pas këtij anketimi, u arrit në disa gjetje dhe rekomandime që mund të grupohen në: a) rekomandime të cilat kërkojnë plotësimin e kuadrit ligjor sekondar; b) rekomandime të cilat nuk kanë nevojë për plotësime ligjore dhe nënligjore, por që kërkojnë zbatimin me rigorozitet të dispozitave doganore në fuqi nga administrata doganore; dhe c) rekomandime për realizimin e te cilave kërkohen investime dhe ndryshime operacionale/teknike.

                       

                       

                       

                      Projekte

                      1005
                      Union of Chambers of Commerce and Industry of Albania, Foreign Trade, Chamber of Bosnia and Herzegovina, Croatian Chambers of Economy, Economic Chamber of (former...